Descripción xeneral

INMA – INfancia y Mediu Ambiente ye una rede d’investigación de grupos españoles, que crió un proyectu col obxetivu d’estudiar el papel de los contaminantes ambientales más importantes n’aire, agua y dieta nel embaranzu y nel entamu de la vida, y los sos efectos nel crecimiento y desarrollu infantil.

El desarrollu físicu, social y intelectual del neñu dende la concepción hasta finales de l’adolescencia, necesita d’un ambiente protexíu y protector de la so salú. L’incrementu d’enfermedaes ta vinculáu con ambientes non saludables. Les esposiciones prenatales y nel empiezu de la vida, incluyendo la dieta, tán asociaes cola salú infantil y el desarrollu humanu que predispón efectos posteriores n’adultos.

Asina, el proyectu INMA ta afitáu en tres bases principales:

De primeres, la esposición a contaminantes ambientales per aire, agua y alimentación ye universal. Los neños son especialmente vulnerables a los sos efectos, esto ye, nun son adultos pequeños, sinón que tán en procesu de crecimientu, y el so sistema inmunolóxicu y los mecanismos de desintoxicación nun tán desarrollaos dafechu. Por too ello, los neños son más vulnerables que los adultos a esposiciones ambientales.

Contaminantes persistentes como los compuestos organocloraos (OCs) y otros metales relacionáronse col retrasu nel crecimientu intrauterín, prematuridá, retrasu nel crecimientu postnatal y alteraciones nel neurodesarrollu y na conducta.

Contaminantes del aire, por exemplu les partícules fines, vinculáronse col aumentu de la mortalidá infantil y con problemes de salú como l’asma, alerxas y neurodesarrollu.

Son menos les evidencies nos efectos de munchos contaminantes nel periodu fetal, son necesarios, polo tanto, nuevos estudios col obxetivu de pañar más datos. Tamién dellos productos nel agua, llamaos productos desinfectantes, asociáronse con problemes reproductivos.

De segundes, dellos contaminantes y nutrientes tienen la mesma ruta d’inxestión.

El pexe, principal fonte d’omega 3, ye amás portador d’OCs y metil mercuriu. L’alimentación per lactancia materno, única forma de nutrición nel primer mes de vida, aporta lo mesmo nutrientes que contaminantes. Anque los mecanismos de toxicidá d’OCs nun se conocen, paez ser que los mecanismos metabólicos y hormonales, subyacentes implicaos na neurotoxicidá d’estos contaminantes, atópense nel mesmu camín que la deficiencia de dellos ácidos grasos esenciales.

Queda por esplicar si los nutrientes puen contrarrestar los efectos negativos de los contaminantes na salú.

A lo último, conozse poco de la susceptibilidá individual a dalgunos productos químicos, poro, son necesarios más estudios integrando interacciones ambiente-xen.