Diseñu del estudiu

Cohortes INMA

El Proyectu INMA afítase na esperiencia algamada polos grupos qu’estudiaron cohortes con diferentes obxetivos: la cohorte de Ribera d´Ebre (n=102), un área con niveles elevaos d’organocloraos y mercuriu, onde s’evaluó la relación ente estes esposiciones y el desarrollu neurolóxicu de los neños; la cohorte de Menorca (n=492) qu’estudió la vinculación ente la esposición temprana a irritantes del aire y alérxenos, col desarrollu d’alerxa y asma; y la cohorte de Granada (n=668) qu’estudió la incidencia de trestornos reproductivos n’homes en relación cola esposición a disruptores endocrinos.

Basáu na esperiencia d’estes cohortes previes, diseñáronse les nueves cohortes pa evaluar l’impactu d’esposiciones ambientales na salú infantil: Valencia (n=787), Sabadell (n=622), Asturies (n=485) y Gipuzkoa (n=612), siguiendo’l mesmu protocolu.

Población INMA

La población d'estudiu son les muyeres embaranzaes de la población xeneral que viven en cada área d’estudiu (Ribera d’Ebre, Menorca, Granada, Valencia, Sabadell, Asturias, y Gipuzkoa (Figura 1) y los sos fíos.

Localización geográfica de las siete cohorte INMA en España

Figura 1. Localización xeográfica de las siete árees de estudiu INMA n'España

Los criterios d’inclusión de les madres fueron:

  • Pertenecer al área d’estudiu (específica de cada cohorte).
  • Tener polo menos de 16 años d’edá.
  • Tener un embaranzu únicu.
  • Nun siguir nengún programa de reproducción asistida.
  • Parir nel hospital de referencia.
  • Nun tener problemes na comunicación.

Cada cohorte tuvo diferentes periodos y tipos de reclutamientu. Nes cohortes de Ribera d’Ebre y de Granada, les madres fueron reclutaes na almisión al hospital nel momentu del partu. Na cohorte de Ribera d’Ebre, el reclutamiento foi ente marzu del 1997 y avientu del 1999, mentanto qu’en la de Granada foi ente ochobre del 2000 y xunetu del 2002. Na cohorte de Menorca, toles muyeres escoyibles que fueron a la visita prenatal en dalgún de los centros sanitarios de la isla (públicos o privaos) fueron convidaes a participar nel estudiu, y el reclutamientu duró un añu de magar xunetu del 1997. Nes cuatro cohortes nueves, el reclutamientu fízose na primer visita prenatal (ente la selmana 10 y 13 de xestación) nel hospital públicu de referencia o nel centru de salú de la zona. Los periodos de reclutamiento fueron de febreru del 2004 a xunu dle 2005 na cohorte de Valencia, de xunetu del 2004 a xunetu del 2006 y del mayu de 2007 a xunetu del 2007 (ronda adicional de reclutamientu) na cohorte de Sabadell, de mayu del 2004 a xunu de 2007 na cohorte d’Asturies, y d’abril del 2006 a xineru del 2008 na cohorte de Gipuzkoa.

Árees d'estudiu Años d'inclusión Muyeres embaranzaes Naciatos Neños 1,5 años Neños 4 años Neños 7 años Neños 9 años Neños 13 años Neños 18 años
Ribera d'Ebre 1997-1999 102 102 96 84  --- --- 41  
Menorca 1997-1998 530 492 482 470  468 422 345 on going
Granada 2000-2002 668 668 --- 220*  --- 300*    
Valencia 2004-2005 827 787 708 601  450 on going    
Sabadell 2004-2007 657 741 683 591  549 on going    
Asturias 2004-2007 494 485 475 460  on going      
Gipuzkoa 2006-2008 638 612 600 531  on going      
TOTAL   3.916 3.887 3.044 2.957        
*Subgrupo

L'estudiu foi aprobáu pol Comité Ético del Institut Municipal d´Investigació Mèdica y pol Comité Éticu de los hospitales involucraos nel estudiu. Les muyeres embaranzaes tuvieron información del estudiu per escrito y oralmente. Pídese a les participantes el so consentimientu informáu en cada siguimientu.

Siguimientu

Cada cohorte tien variaciones pequeñes nel siguimientu, anque los siguimientos clave ficiéronse en toles cohortes (embaranzu, partu, al añu y a los 4 años del neñu). Nes cohortes de Ribera d’Ebre y de Granada, los siguimientos ficiéronse nel partu, al añu y a los 4 años. Masque nun se siguieron les muyeres nel embaranzu, completáronse unos cuestionarios retrospectivos sobre l’embaranzu. Na cohorte de Menorca, el siguimientu escomenzó nel embaranzu, y continuó nel partu, a los 3 meses, al añu, y a los 2, 3, 4, 6, 7,5 y 10,5 años del neñu. Nes cuatro cohortes nueves, el siguimientu emprincipió nel primer trimestre d’embaranzu y repitióse nel segundu y tercer trimestre, nel partu, a los 6 meses (solo nes cohortes de Sabadell y d’Asturies), a los 12-18 meses, y a los 2-2,5 y 4-5 años del neñu. El siguimientu va facese y a lo llargo de la so vida si se dispón de financiación.

Recoyida de datos

La recoyida de datos presentó variaciones pequeñes ente les cohortes, acordies colos intereses internos, pero les variables principales recoyéronse en toles cohortes INMA. Ficiéronse evaluaciones estenses a les muyeres embaranzaes y a los neños. La información pañóse a partir de fontes estremaes: cuestionarios ufiertaos en formatu d’entrevista per parte d’entrevistadores entrenaos, datos clínicos, esploración física, ecografíes, amueses biolóxiques (sangre, placenta, orina, saliva, lleche materno, pelo y uñes), determinantes de la dieta y medíes ambientales (contaminación del aire y del agua, y contaminantes persistentes y semipersistentes) (Tabla 2 y 3).

Subir Subir